❓
عدم قياس خرج آيسي الباور
وليه تحديد إن العطل “ريبولينج معالج” عملية معقدة؟
سؤال يؤرق كل فني صيانة تقريبًا، وللأسف فئة كبيرة جدًا بتقع فيه 🤦♂️
وهحاول في المقال ده ألخص لك أسباب الفشل في الريبولينج خطوة خطوة، بعيدًا عن التبسيط المخل.
1️⃣ اختلاف سحب الباور سبلاي حسب نوع المعالج
من المعروف إن كل معالج ليه احتياجات مختلفة من التيار أثناء الإقلاع.
ومن أكبر الأخطاء الشائعة:
• تثبيت سحبة معينة على الباور سبلاي
• أو تعميم سحبة معالج ميدياتك على كوالكوم (أو العكس)
❌ الخطأ مش بس في الرقم
✔️ الصح إنك تعمل Range / مدى سحبات لكل شركة وكل فئة معالجات، مش رقم ثابت وخلاص.
⸻
2️⃣ تطابق سحبة المعالج مع أعطال أخرى
سحبة إقلاع المعالج ممكن تتطابق تمامًا مع أعطال مختلفة زي:
• فشل منظومة MUIC
• فشل تغذية الذاكرة أو الرام
• سوء اتصال مسارات الذاكرة
• فشل BOOT CONFIG
• شورت على خرج آيسي الباور
⚠️ وده بيؤدي لحصر العطل غلط في المعالج… ومن هنا تبدأ الكارثة.
⸻
3️⃣ عدم قياس خرج آيسي الباور
ذكرنا الموضوع ده قبل كده، وخصصناله مقال كامل 👇
• بعض أعطال الـ BUCK لا توصل لسحبة معالج
• بعض أعطال الـ LDO تتطابق مع سحبة المعالج
ومع ذلك تلاقي فني يقولك:
“هضيع وقت ليه؟”
❌ ولا يقوم بقياس :
• الممانعات بدقة (ومقارنتها ببوردة سليمة او تطبيق مسلة )
• الجهود المستقرة
(مش مجرد خروج لحظي)
4️⃣ تجاهل التعريف على الكمبيوتر وفحص السوفت
وده بسبب إن بعض فنيين الهارد وير فاصلين نفسهم عن السوفت:
“أنا فني هارد وير بس”
فكروني باللمبي 😅
“أنا رياض المنفلوطي بــــس”
وده خطأ لا يُغتفر ❌
✔️ اعرف شئ عن كل شيء
✔️ واعرف كل شيء عن شيء
5️⃣ تجاهل تحديد منظومة الـ USB
• هل الـ USB منفصل؟
• ولا مدمج مع آيسي الشحن؟
• هل تم أخذ سحبة USB Tester؟
• هل تم مطابقتها مع الباور سبلاي؟
كل دي نقاط بتتجاهل… والعطل يطلع مش معالج أصلاً.
6️⃣ الاعتماد على الكاميرا الحرارية
🚨 خطأ كارثي
المعالج وحش طاقة 🔥
ومن الطبيعي:
• يسحب أمبير عالي
• يظهر سخونة تحت الكاميرا الحرارية أثناء الإقلاع
❌ السخونة مش دليل على احتياج الريبولينج.
⸻
7️⃣ تجاهل قياس الممانعات
• أسفل الذاكرة
• أسفل آيسي الباور
وده بيخلي أي تحليل بعد كده ناقص.
8️⃣ تجاهل أهم الإشارات بين آيسي الباور والمعالج
إشارات خطيرة جدًا وبتتحسم بيها القصة:
• HOLD
• WATCHDOG
• STAY ALIVE
• SYS ALIVE
• RESET
❗ تجاهلهم = تحليل أعمى
9️⃣ تجاهل فحص الحالة العمرية للذاكرة
لو معندكش:
• مبرمجة ذواكر
• فحص Boot Partitions
• ضبط مسارات الإقلاع
يبقى في جزء مهم جدًا من التشخيص ناقص.
✅ الخلاصة
لحد النقطة دي أقدر أقولك بكل وضوح 👇
لو مش محقق كل الشروط دي…
❌ عمرك ما هتتأكد إن:
• الريبولينج هو الحل
• أو إنك عملته صح من الأساس
وحتى بعد كل ده:
• ممكن تحليلك يكون سليم
• والمعالج يتلف أثناء الرفع أو التنزيل
💬 كلمة أخيرة
مش بكتب الكلام ده عشان أحبطك
لكن:
راجع نفسك يا صديقي استعن بالله
تعلم
قس واستخدم عقلك قبل ادوات اللحام
#الفنان_للمحمول #www.fannan3.com #الفهم_اولا